菜乾栗米紅蘿蔔蜜棗豬骨湯

菜乾湯係我其中一個愛飲既湯水，平平地既菜乾$5都有一扎，加埋紅蘿蔔、栗米、蜜棗、豬骨，點會唔甜？鍾意既話加碗白飯變湯飯，簡單健康有益

香蔥蒜蓉清蒜貴妃蚌

清蒸海鮮好簡單，好似貴妃蚌只要大火蒸4分鐘就攪掂，記住水滾先放落去蒸，另外粉絲要用熱水浸軟，如果用凍水浸，貴妃蚌熟左粉絲都會未變軟嫁，鍾意可以用生蒜，但我會預先炒熟左蒜蓉再鋪面，咁樣香口d又唔會辣喉，贊上熟油就更香！

台式香菇滷肉飯

今日係凍肉鋪買左條雪藏五花腩，只需十幾蚊就有交易！簡簡單單又一餐，我鍾意切幼條狀，每條都見到肥膏瘦肉相連，賣相更吸引！再配上香菇又可以撈十碗飯啦！